Kolumbiyanın cənub-qərbində naməlum silahlı şəxslər tərəfindən 9 nəfər güllələnib.

TASS xəbər verir ki, hadisə Alxesiras bölgəsindəki evlərdən birində baş verib.

Silahlı şəxslər evə hücum edərək, 8 kişi və bir qadını öldürüblər. Hücumun səbəbləri məlum deyil.

Qeyd edək ki, Kolumbiyada bu ilin əvvəlindən bəri 41 nəfər analoji şəkildə qətlə yetirilib.
Alxesiras bölgəsində artıq 3-cü dəfədir ki, oxşar motivli hadisə baş verir.