Çinin "Bir kəmər - Bir yol" təşəbbüsü ölkələrinə birbaşa investisiyaları 130 milyard dolları ötüb Dünya

Çinin "Bir kəmər - Bir yol" təşəbbüsü ölkələrinə birbaşa investisiyaları 130 milyard dolları ötüb

Çin şirkətlərinin "Bir kəmər - Bir yol" təşəbbüsünə qatılan ölkələrin iqtisadiyyatına birbaşa investisiyalarının həcmi 8 il ərzində 130 milyard dolları ötüb.

Trend-in "İnterfaks"a istinadən verdiyi məlumata görə, bunu Çinin xarici işlər naziri Vanq Yi deyib.

Onun sözlərinə görə, son 8 il ərzində "Bir kəmər - Bir yol" təşəbbüsü reallığa çevrilib, dünya ölkələrinə böyük imkanlar və bonuslar təmin edib:

"Çin ilə "Bir kəmər - Bir yol" təşəbbüsündə iştirak edən ölkələr arasındakı ümumi ticarət dövriyyəsi 9,2 trilyon dolları, Çin şirkətlərinin "Bir kəmər - Bir yol" layihəsi ölkələrinə birbaşa investisiyaları isə 130 milyard dolları keçib".

Nazir qeyd edib ki, 8 il ərzində təşəbbüs yüksək dayanıqlıq nümayiş etdirib və müsbət nəticələrə çatıb.