Hesab edirəm ki, görüşdə bir sıra məsələlər qaldırılıb. Birincisi, Ukraynanın Rusiya ballistik raketlərini ələ keçirmək üçün raketlərə olan ehtiyacıdır; bu, həm digər ölkələrdən belə raketlərin əldə edilməsini, həm də onların lisenziyalı istehsalının təşkilini – və bunun harada həyata keçiriləcəyinin müəyyənləşdirilməsini (düşünmürəm ki, bu, Ukraynada olacaq) əhatə edir. İkinci məsələ ABŞ-ın Rusiyaya qarşı tətbiq etdiyi sanksiyalarla bağlıdır. Axı Zelenskinin səfərinin məqsədi öz sanksiya qanun layihəsini fəal şəkildə irəli sürən Lindsi Qrehem ilə görüşməkdir – bu, şübhəsiz ki, müzakirə olunacaq bir mövzudur.

Bunu xalqcebhesi.az-a Ukrayna Milli Strateji Araşdırmalar İnstitutunun Xarici Siyasət Araşdırmaları Mərkəzinin baş məsləhətçisi, iqtisad elmləri namizədi İvan Us Zelenskinin ABŞ-da Trampla görüşünə münasibətində deyib.

"Üçüncüsü, pilotsuz uçuş aparatları ilə bağlı razılaşmadır; bu, Ukraynanın xahişdən daha çox təklif irəli sürdüyü bir sahədir. Həmçinin qeyd etmək lazımdır ki, bu səfər digər iki tədbirlə paralel şəkildə baş tutur.

Trampın yaxın ətrafından olan bloqer Laura Lumerin səfəri, həmçinin Ukrayna və İranla bağlı vəziyyət. Lumer əvvəllər Ukrayna və Zelenskiyə qarşı çıxış edərək, ABŞ-ın bu ölkəyə göstərdiyi yardımı kəskin şəkildə tənqid edirdi. Lakin son bir ay ərzində o, öz ritorikasını köklü şəkildə dəyişib. O, Ukraynaya səfər edib və Zelenski ilə müsahibə yazıb; sonradan Donald Tramp həmin videonu öz sosial şəbəkə hesabında paylaşıb. Digər məsələlərlə yanaşı, o, pilotsuz uçuş aparatlarının (PUA) istehsalı barədə də yazıb: ABŞ-ın ildə 300 min, Ukraynanın isə 8 milyon PUA istehsal etdiyini qeyd edərək, əməkdaşlığın zəruri olduğunu vurğulayıb" - Us vurğulayıb.

O, daha sonra deyib ki, İranın Ukraynaya qarşı təhdidlərinə gəldikdə isə, bu, ABŞ və Ukraynanı – eləcə də İsraili – bir-birinə daha da yaxınlaşdıran digər bir məsələdir. Netanyahu da Vaşinqtonda idi, lakin üçtərəfli görüşün keçirilib-keçirilmədiyi hələ məlum deyil.

Cavid