"Taliban" silahlıları Əfqanıstanın cənubundakı Helmand əyalətinin paytaxtı Laşkargahdakı həbsxanaya hücum etməyə cəhd göstərsələr də, hökumət qüvvələri hücumun qarşısını alıb.

"Xalq Cəbhəsi" Rusiya mətbuatına istinadən xəbər verir ki, bu barədə ölkənin Müdafiə Nazirliyinin nümayəndəsi Favad Aman məlumat verib.

"Həbsxanaya hücum edən 40 terrorçudan 38-i öldürüldü, ikisi yaralandı", - Aman Twitter -də yazıb.

Məlumata görə, çəhərdə yüzə yaxın xüsusi təyinatlı var. Əfqanıstanın Tolo News telekanalının təhlükəsizlik qüvvələrindəki mənbələrə istinadən verdiyi məlumata görə, əyalət polis rəisi Xalid Vardak döyüşlərdə yüngül yaralanıb.

Bir gün əvvəl onlar Herat şəhərinin mərkəzi rayonlarına doğru irəliləyiblər. Eyni zamanda, hökumət qoşunları əvvəllər eyni adlı əyalətdə yüzdən çox yaraqlını zərərsizləşdirib.

Cavid