Dünən Bakıda avtobus qəzası baş verib. APA-nın məlumatına görə, hadisə Qaradağ rayonu ərazisində, "Meyvəli" Ticarət Mərkəzinin yaxınlığında qeydə alınıb. 196 saylı xətt avtobusunun aşması nəticəsində xeyli sayda sərnişin xəsarət alıb.
Bakı şəhər Təcilli Tibbi Yardım Stansiyasından APA-ya bildirilib ki, avtobus qəzasında xəsarət alanlardan 7-si təcilli yardım maşınları ilə xəstəxanalara aparılıb. Digər yaralılar isə fərdi maşınlarla xəstəxanaya aparılıb.
Qaradağ Rayon Polis İdarəsindən verilən məlumata görə, 1984-cü il təvəllüdlü Elşən Allahverdiyevin idarə etdiyi "196" saylı xətt üzrə hərəkət edən "İVECO" markalı marşrut avtobusu İran İslam Respublikasının vətəndaşı, 1987-ci il təvəllüdlü Vəli Sərbaz Kamilin idarə etdiyi "HOWO" markalı yük avtomobili ilə toqquşub. Qəzanın təsirindən avtobus aşıb.