“Sonuncu kursda təhsil alan tələblərin böyük hissəsi artıq fevral ayından istehsal təcrübəsində idi”.
Bunu Nazirlər Kabineti yanında Operativ Qərargahın mətbuat konfransında Təhsil naziri Ceyhun Bayramov bildirib.
Onun sözlərinə görə, bir çoxları istehsal təcrübəsini bitirə bilməyib, bu məsələ rektorlarla müzakirə olunub: “Bir sıra sahələrdə güzəştlər tətbiq edilə bilər. Dünya təcrübəsini nəzərə alaraq 3 il yarımlıq müddətdə əsas təhsil sahəsi üzrə göstəriciləri nəzərə alınmaqla xüsusi yanaşma nəzərə alına bilər. 95 minə yaxın tələbə onlayn tədrisə qoşula bilir, rektorlarla bunu da müzakirə etdik, rektorlar bildirib ki, həmin tələbələr istehsalat təcrübəsində olduğu üçün onların onlayn tədrisə qoşulması o qədər də vacib deyil. Lakin kimlərə ki, bu məzmun indiyə qədər çatdırılmayıb, bu istiqamətdə işləri davam etdirsinlər. Hərbi xidmətlə bağlı tələblərə imkan yaradılması məsələsini hökumət qarşısında qaldıracağıq. Bu mövzu da müzakirə predmetidir"