Qarabağ konfliktinin həll olunmaması onun Kollektiv Təhlükəsizlik Müqaviləsi Təşkilatının üzvlərinin təhlükəsizliyinə təhdid yaradır.
Bunu KTMT Birləşmiş Qərargahının rəisi general-polkovnik Anatoli Sidorov deyib. Onun sözlərinə görə, hazırda bu siyasi prosesin həlli aktivləşib, amma tam atəşkəs üçün çox şey etmək lazımdır.
O, bunun baş vermədiyi müddət ərzində Qarabağın regional təhlükəsizlik üçün əsas təhdid mənbəyi olduğunu bildirib.
Rus generalın fikrincə, Cənubi Qafqaz üçün ikinci təhdid mənbəyi Gürcüstan rəhbərliyinin fəaliyyətidir:
“Vaşinqton və onun müttəfiqləri Tiflisə aktiv dəstək göstərir, hərbi infrastrukturları təkmilləşdirir. ABŞ hərbi gəmiləri periodik olaraq Qara dənizə daxil olur və burada təlim keçirirlər. Bu təlimlərdə Rusiyaya qarşı ssenarilər gerçəkləşdirilir”.