Yaxın zamanlarda Rusiyada "Twitter" sosial şəbəkəsi qadağan oluna bilər.
APA-nın verdiyi məlumata görə, Rusiyanın rabitə və informasiya texnologiyalarına nəzarət üzrə Federal Xidməti rəhbərinin müavini Maksim Ksenzov bildirib ki, əsas səbəb "Twitter" rəhbərliyinin rusiyalı məmurların tələblərini yerinə yetirməkdən və istifadəçilərin qanunsuz yazılarını silməkdən imtina etməsidir.
Ksenzovun sözlərinə görə, "Twitter" Rusiya vətəndaşları üçün ciddi sosial təhlükə mənbəyidir.
O həmçinin qeyd edib ki, avqustun 1-dən Rusiyada yeni qanun qüvvəyə minəcək. Həmin qanuna əsasən, sutka ərzində baxış sayı 3 mindən çox olan materialların müəllifləri (bloggerlər) dövlət qeydiyyatından keçməli olacaqlar.