İrandan “Avropa üçlüyü”nə sərt cavab Dünya

İrandan “Avropa üçlüyü”nə sərt cavab

Fransa, Almaniya və Böyük Britaniya nüvə razılaşması üzrə öhdəliklərini yerinə yetirmir.
Bu barədə İranın Xarici İşlər naziri Məhəmməd Cavad Zərif Tvitter hesabında yazıb.
Onun sözlərinə görə, “Avropa üçlüyü” ABŞ-ın razılığı olmadan nüvə sazişi üzrə öhdəliklərini yetirmək məsələsində özünü çarəsiz hiss edir və bu artıq 2018-ci ilin mayından bəllidir.
Diplomat Fransa, Almaniya və Böyük Britaniyanın ABŞ-ı təqlid etdiyini bildirib.
“Bu ölkələr nüvə sazişi ilə uyğun gəlməyən bəyanatları və absurd tələbləri təkrarlayırlar”, - Zərif qeyd edib.
Qeyd edək ki, Fransa, Almaniya və Böyük Britaniya “Aramko”ya hücumun məsuliyyətini İranın daşıdığı barədə birgə bəyanat yayıb.