Türkiyənin tələbi ilə keçirilən NATO-nun fövqəladə toplantısı başa çatıb.
Bu barədə NATO-nun baş katibi Yens Stoltenberq bildirib. Baş Katib İdlibdə türk hərbçilərinə edilən hücumu qınadığını deyib.
"Türkiyə çox dəyərli müttəfiqimizdir. Biz NATO olaraq Türkiyənin yanındayıq. NATO Türkiyəyə dəstəyini bir neçə istiqamətdə göstərəcək. Birincisi, hava məkanını qoruma ilə olacaq. Bu da Suriyadan gələn hava hücumlarının dayanmasını təmin edəcək. NATO cənub-şərq sərhədlərini qorumağa davam edəcək", - deyə Stoltenberq vurğulayıb.