İsraildə COVID-19 diaqnozu qoyulmuş şəxslərin sayı 10 505 nəfərə çatıb.
APA-nın xəbərinə görə, bu barədə ölkənin Səhiyyə Nazirliyi məlumat yayıb. Məlumatda bildirilir ki, gün ərzində ölən olmayıb. İndiyədək İsraildə 95 nəfər koronavirusun qurbanı olub, 1236 nəfər sağalıb.
Müalicə olunanlardan 191-nin vəziyyəti ağırdır.
Sabah İsraildə ictimai nəqliyyatın işi bərpa olunacaq. İctimai nəqliyyatın fəaliyyəti aprelin 7-də dayandırılmışdı.