İranda son sutka ərzində yeni növ koronavirusdan (COVID-19) 45 nəfər vəfat edib.
APA-nın Tehran bürosunun xəbərinə görə, bu barədə İran Səhiyyə Nazirliyi məlumat yayıb. Bildirilib ki, İrandan koronavirusdan ölənlərin ümumi sayı 6685 nəfərə çatıb.
İranda son sutka ərzində koronavirusa 1683 yoluxma halı qeydə alınıb və indiyə kimi COVID-19-a yoluxanların ümumi sayı 109286 nəfərdir.
İndiyədək xəstəlikdən 87422 nəfər sağalıb.
Hazırda virus daşıyıcısı olan xəstələrdən 2703 nəfərin vəziyyəti ağır və ya orta ağırdır.