BDU-nun nəzdində İqtisadiyyat və Humanitar Kollecin sonuncu kurs tələbəsi Səfər Niftaliyev bədbəxt hadisə nəticəsində dünyasını dəyişib.

Bu barədə Trend-ə Bakı Dövlət Universitetinin Mətbuat xidmətinin rəhbəri Kəmalə Quliyeva bildirib.

O qeyd edib ki, dənizdə batan Səfər Niftaliyevin meyiti bu gün səhər saat 5 radələrində tapılaraq ailəsinə təhvil verilib.
"O, kollecin Tələbə Gənclər Təşkilatının sədr müavini və çox aktiv tələbə olub.

Tələbəmizin vaxtsız vəfatından kədərləndiyimizi bildirir və mərhumun ailəsinə dərin hüznlə başsağlığı veririk",-K. Quliyeva deyib.