Rusiya prezidenti Ermənistanla Azərbaycan arasında yeni müharibədə maraqlıdır. Rusiyanın iştiraki ilə üç sənəd imzalanıb. Kreml üç sənədi iki il ərzində manipulyasiya edib. Ona görə də Soçi görüşünə V. Putin açıq kartla qatılır və Azərbaycanın ərazi bütövlüyünə qarşı qəsd olan yeni sənəd ortaya çıxaracaq.

Bunu "Xalq Cəbhəsi"nə politoloq Məhəmməd Əsədullazadə deyib.

O qeyd edib ki, N. Paşinyan da yazdığı tvitde Rusiyanın irəli sürdüyü təkliflərlə razılaşacağını qeyd edib:

"Soçi görüşündən sonra ABŞ prosesə qatılacaq və növbəti dəfə Yerevanın ipini çəkəcək. Rusiya məhz Qarabağda qalıcılığını qorumaq üçün bütün avantüraya hazırdi və İranla kordinasiyalı şəkildə fəaliyyət göstərir. Soçi görüşündən sonra hərbi vəziyyət gəriginləşə bilər" - deyib politoloq.

Avropa İttifaqının Cənubi Qafqaz üzrə xüsusi nümayəndəsi Tovio Klaar Ermənistana səfər edib. Bu səfərdə N. Paşinyanın dəyişə biləcək siyasi mövqeyi müzakirə ediləcək: "Çünki Soçi görüşündə N. Paşinyan V. Putinin planını qəbul edərsə, Brüssel formatı fiaskoya uğraya bilər".

Cavid