Azərbaycan prezidenti Bakıda yeni təmir edilmiş məktəbdə olub Hadisə

Azərbaycan prezidenti Bakıda yeni təmir edilmiş məktəbdə olub

Bakının Nizami rayonundakı 109 nömrəli tam orta məktəbin binası əsaslı təmirdən sonra istifadəyə verilib.
Azərbaycan prezidenti İlham Əliyev məktəbin binasında yenidənqurma işlərindən sonra yaradılan şəraitlə tanış olub.
Diqqətə çatdırılıb ki, 760 şagird yerlik məktəbdə 42 sinif otağı və 5 fənn kabinəsi var. Sinif otaqlarının, o cümlədən fənn kabinələrinin hamısı müasir tədris avadanlığı ilə təchiz olunub. Burada uşaqların təlim-tərbiyəsi ilə 85 təhsil işçisi məşğul olur. Bu il məktəbi bitirənlərin 76 faizi ali məktəblərə qəbul olunub.
Paytaxtdakı 109 nömrəli məktəbdə yaradılan şəraitlə tanış olan dövlət başçısı kollektivə uğurlar arzulayıb.