Abşeron rayonunda baş vermiş yol qəzasında piyada ölüb.

APA xəbər verir ki, hadisə iki gün öncə axşam saatlarında rayonun Digah qəsəbəsində baş verib.

Belə ki, Elçin Əliyev idarə etdiyi “Opel Astra” markalı avtomobillə yolu keçən piyada Əfqan Məhərrəmovu vurub.

Piyada xəstəxanaya çatdırılsa da, onun həyatını xilas etmək mümkün olmayıb.

Faktla bağlı cinayət işi başlanılıb.