“Ermənilərin törətdiyi daha bir cinayət faktının aşkar edildiyi yerdəyik”.

APA-nın Qarabağ bürosu xəbər verir ki, bunu Qarabağ müharibəsi iştirakçısı, jurnalist Rey Kərimoğlu Xocalıda jurnalistlərə açıqlamasında bildirib.

Onun sözlərinə görə, bu hallar birmənalı şəkildə müharibə cinayətidir:

"Bu həm də insanlığa sığmayan haldır. Çox təəssüflə qeyd edirəm ki, burada ilkin olaraq ən azı yeddi nəfərə aid insan qalıqları aşkar edilib. Həmin insan qalıqları qeyri-ənənəvi şəkildə dəfn ediblər. Mülki şəxslərə aid olan qalıqlar üzərində ağır işgəncə izləri də aşkar edilib".

O, beynəlxalq təşkilatlara səslənərək ikili siyasətə son qoymağa çağırıb: “Bu vandallığı törədənlər ədalət məhkəməsinə çıxarılıb layiq olduqları cəzanı almalıdır”.