İraq Respublikasının Strateji Araşdırmalar Mərkəzinin rəhbəri, İraq – Azərbaycan Dostluq Cəmiyyətinin sədri, İraqda nəşr olunan “Sadaka” qəzetinin baş redaktoru doktor Mutaz Muhi Əbdül Həmidin "Şuşa: Azərbaycanın cəvahiri" kitabı Səyahət Ədəbiyyatı üzrə Naci Cavad Əl-Saati Mükafatına layiq görülüb.

Bu barədə xalqcebhesi.az-a müəllifin özü bildirib.

Səyahətçi, yazıçı və hüquqşünas Naci Cavad Əl-Saati İrsinin Qorunması Komitəsi Bağdad Mədəniyyət Mərkəzi ilə əməkdaşlıq çərçivəsində mükafatın on altıncı nəşrinin nəticələrini elan edib. Komitə ciddi akademik və ədəbi qiymətləndirmədən sonra iki qalib əsəri seçib.

Qaliblər bunlardır:

Doktor Mutaz Muhi Əbdül Həmidin "Şuşa: Azərbaycanın cəvahiri" kitabı və yazıçı və professor Rasim Əl-Həditinin "Şərəfiniz: Səyahət Ədəbiyyatı" kitabı. Mükafatlandırma mərasimi və qaliblərin təltif edilməsi 22 may 2026-cı il, cümə günü, saat 11:00-da Bağdad Mədəniyyət Mərkəzinin Əl-Mütənəbbi küçəsindəki zallarından birində keçiriləcək.

Cavid