"Azərbaycanın Avropa İttifaqına (Aİ) ixracı karbohidrogenlərlə bitmir, Avropaya meşə fındığı və tomat tədarükünün böyük potensialı var".

"APA-Economics"in məlumatına görə, bunu "Azərbaycan regionlarında dayanıqlı mikrosahibkarlığın inkişafının sürətləndirilməsi" layihəsi çərçivəsində Virtual Sahibkarlıq Yarmarkasının açılış mərasimində çıxış edən Aİ-nin Azərbaycandakı Nümayəndəliyinin rəhbəri səfir Kestutis Yankauskas deyib.

"Azərbaycan tomatlarına fikir verin. Onlara hələ Aİ-də yoxdur. Niyə də bu məhsulun ixracına başlanılmasın?", - səfir bildirib.

Yankauskas əlavə edib ki, digər bazarların volatil olduğu halda, Azərbaycanın qarşısında Aİ kimi yeni dayanıqlı ixrac bazarlar açılır.