Azərbaycana gətirilən “CoronoVAC” vaksini çox təhlükəsizdir.

Bunu Trend-ə Kliniki Tibbi Mərkəzin modul tipli xəstəxanasının məsul şəxsi Maisə Heybətova deyib.

Onun sözlərinə görə, Kliniki Tibbi Mərkəzin bütün heyətinin vaksinasiyası demək olar ki, başa çatıb:

"İndi ikinci mərhələnin olacağı gözlənilir. Heç kimdə, heç bir tibb işçisində yan təsirlər müşahidə olunmayıb".

M.Heybətova qeyd edib ki, bu gün xəstəxanada Nazirlər Kabinetinin işçilərinin vaksinasiyasına başlanılıb. O, bu vaksinasiya üçün də “CoronoVAC" vaksinlərindən istifadə edildiyini söyləyib.