Ermənilər Suqovuşan ərazisinə daha çox plastik mina basdırıb - ANAMA Hadisə

Ermənilər Suqovuşan ərazisinə daha çox plastik mina basdırıb - ANAMA

Ermənilər Suqovuşana gedən yolda daha çox plastik minalarda basdırıblar, onların isə təəsiri daha yüksəkdir

Trend-in Qarabağ bürosunun məlumatına görə, bu barədə jurnalistlərə açıqlamasında Minatəmizləmə Agentliyinin (ANAMA) əməkdaşı Şahin Allahverdiyev deyib.

Onun sözlərinə görə, bu növ minaları aşkar etmək çətindir və partlayış zamanı daha çox zərbə dalğasına malikdir:

“Ərazidən təqribən 2500-dən çox piyada və tank əleyhinə minalar aşkarlanıb və bunların əksəriyyəti plastik minalardır. Düşmən qəsdən bu növ minaları əraziyə basdırıb”.

Ş. Allahverdiyev əlavə edib ki, bu ərazilərdən digər tələlər də aşkarlanıb:

“240 mm minomyot mərmilərinə bağlanmış xüsusi tellər var ki, onlar kənardan idarə olunur və partladılır. Bu tipli tələlər də ərazidə aşkar edilərək zərərsizləşdirilib”.