BƏRDƏ RAYONUNDA ŞƏHIDIN DOĞUM GÜNÜ QEYD OLUNUB Hadisə

BƏRDƏ RAYONUNDA ŞƏHIDIN DOĞUM GÜNÜ QEYD OLUNUB

15 iyul 2021-ci il tarixdə Bərdə rayonunda şəhid Yusifzadə Xudayar Müslüm oğlunun ad günü münasibəti ilə şəhidin ailəsi ziyarət olunmuş, məzarı üzərinə tər gül dəstələri qoyularaq yad edilib.

İcra Hakimiyyətindən Avrasiya.net-ə verilən məlumata görə, tədbirdə Bərdə rayon İcra Hakimiyyəti aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Samir Səfərov və böyük məsləhətçisi Ziya İsmayılzadə, millət vəkili Fatma Yıldırımın köməkçisi Fuad Ağayev, Bərdə Dövlət İdarəetmə və Texnologiya kollecinin direktoru Xosrov Musayev, Bərdə rayon Gənclər və İdman İdarəsinin rəisi Hikmət Ələkbərov, “Qarabağ müharibəsi əlilləri, veteranları və şəhid ailələri” İctimai Birliyinin Bərdə filialının sədri Etibar Hüseynova, “Qarabağ qaziləri” ictimai birliyinin sərdi Sürəddin Səfərov, şəhidin qulluq etdiyi N saylı hərbi hissənin nümayəndələri iştirak etmişlər. Tədbirdə iştirak edənlər Ali Baş Komandan İlham Əliyevin rəhbərliyi ilə müzəffər Azərbaycan Ordusunun əsgər və zabitlərinin şücaətindən, qanları ilə tarix yazan qəhrəmanlıqlarından söz açmışlar. Şəhidin ailəsi onlara göstərilən diqqət və qayğıya görə Azərbaycan Respublikasının Prezidentinə minnətdarlıqlarını bildirmişlər. Uca Allahdan bütün şəhidlərimizə rəhmət diləyirik.

Cavid