Bakı Uşaq və Gənclər Teatrında yeni tamaşanın təqdmatı keçirilib.
Tarix boyu xalqımıza qarşı törədilmiş soyqırımlara həsr olunmuş tamaşanın müəllifi Arzu Soltan, rejissor respublikanın əməkdar artisti İntiqam Soltandır.
Rollarda Əfruz Əliyev, Ədalət Ağaverdiyev, musiqiçi Yusif Rüstəmovdur.
Tamaşa müzkl formasında canlı musiqi müşayiəti ilə hazırlanıb.
Təqdimatda Suraxanı Rayon İcra Hakimiyyətinin başçısı Əziz Əzizov, Milli Məclisin deputatı Sevinc Fətəliyeva, Rayon Prokuroru Rəşid Mahmudov, Dövlət Təhlükəsizlik Xidmətinin Suraxanı rayon İdarəsinin rəisi Rauf Məmmədov, YAP Suraxanı rayon təşkilatının sədri Vüqar Seyidov, Rayon İcra Hakimiyyəti başçısı yanında Şuranın üzvləri, şəhid ailələri və qazilər, idarə, müəssisə və təşkilatların rəhbərləri və digər qonaqlar iştirak ediblər.
Tamaşanın sonunda Suraxanı Rayon İcra Hakimiyyətinin başçısı Əziz Əzizov çıxış edib.