Mədəni sərvətlərin qorunması daim gündəmdə olan bir məsələdir.

Bunu bu gün “Mədəni sərvətlərin mühafizəsi və onların həyata keçirilməsinin təkmilləşdirilməsi aspektlərinə dair YUNESKO Konvensiyalarının Rolu” mövzusunda beynəlxalq konfransda çıxışı zamanı Azərbaycanın mədəniyyət naziri Anar Kərimov deyib.

O qeyd edib ki, Vətən Müharibəsində qələbimiz nəticəsində 30 il ərzində didərgin salınan mədəniyyətimiz geri döndü.
“Şuşanın mədəniyyət payxtaxtına çevrilməsi mədəniyyətimizin geri dönüşünün rəmzinə çevrilib. Azad olunan ərazilərdə monitorinqlər zamanı bəzi abidələrin qəsdən dağıdıldığı, mənimsənildiyi, abidələrdən hərbi məqsədlər üçün istifadə edildiyi aşkar edilib.

Ermənistan bununla Qarabağda qeyri qanuni cinayət əməlləri törədib", - nazir bildirib.