SAMSUN – Qara dənizin incisi Samsun, mədəniyyət və ədəbiyyat dünyasını bir araya gətirən mənalı bir tədbirə ev sahibliyi etdi. Türkiyənin dörd bir yanından gələn şairlər, ozanlar və ədəbiyyat sevərləri; Atatürkün izlərini daşıyan bu qədim şəhərdə eyni könül iqlimində görüşərək unudulmaz bir mədəniyyət şöleni yaşadılar.

İlkadımda keçirilən proqram yalnız bir şeir tədbiri olmaqdan çıxaraq; dostluğun, qardaşlığın və mədəni birliktəliyin güclü simvoluna çevrildi. Şeirin insan ruhuna toxunan səsi, sazın ürəyə işləyən avazı və səmimi söhbətlər gecəyə ayrı bir məna qatdı.

İştirakçılar Samsunun qonaqpərvərliyindən və təşkilatdakı səmimi atmosferdən məmnun olduqlarını bildirərək, tədbirin yaddaşlarda uzun illər yaşayacaq xüsusi bir xatirə buraxdığını ifadə etdilər.

Proqramın həyata keçirilməsində böyük əməyi olan dəyərli Doğan Kan başqanı və hörmətli xanımı Nurgül xanım, gülərüzlü və səmimi ev sahibliyi ilə qonaqların könlündə xüsusi yer qazandı. İştirakçılar bu isti qarşılanmanın onlara sanki ailə ortamında olduqlarını hiss etdirdiyini söylədilər.

Sənətə, mədəniyyətə və ədəbiyyata verdikləri dəstəyə görə İlkadım Bələdiyyə Başqanı hörmətli İhsan Kurnaz’a, İl Mədəniyyət Müdürü hörmətli Kadir Yalnız’a və Samsun Yazarlar Dərnəyinin başqanı hörmətli Ahmet Seven’e də təşəkkür edildi.

Tədbir boyunca səhnəyə çıxan şair və ozanlar əsərləri ilə dinləyicilərə duyğulu anlar yaşatdılar. Anadolunun müxtəlif şəhərlərindən, Azərbaycandan və Kiprdən qatılan sənətçilər; şeirin, mədəniyyətin və sənətin sərhəd tanımayan ortaq bir könül dili olduğunu bir daha ortaya qoydular.

İlkadım səhnəsində yer alan dəyərli ozan və şairlər:

* Ahmet Özbek – Şair (Tokat / Erbaa)
* Ayşe Paslanmaz – Şair (Nevşehir)
* Aygün Rehimli Akbaba – Şair (Azərbaycan / Kars)
* Cemal Toptaş (Dost Cemali) – Ozan (Kayseri)
* Fikret Özkaya – Ozan (Antalya)
* Gökmen Sakin – Şair (Van / Erciş)
* Könül Ordubadi – Şair (Azərbaycan)
* Halise Tekbaş – Şair (Adana)
* İbrahim Düğer – Şair (Kırşehir)
* Mustafa Berçin – Şair (Çanaqqala)
* Mustafa Temel – Şair (Ankara)
* Mustafa Ferit Yıldız – Şair (Kayseri)
* Suzan Aydemir – Şair (Kars)
* Şeyhmus Çiçek – Şair (Kayseri)
* Yahya Azeroğlu – Şair (Antalya)
* Zenfira Kılınç – Şair (Bakı / Azərbaycan)
* Hüsniye Okray – Şair (Kipr)

Tədbirin sonunda edilən çıxışlarda belə mənalı mədəniyyət görüşlərinin cəmiyyətdə birlik, bərabərlik və qardaşlıq duyğularını gücləndirdiyi vurğulandı.

Qara dənizin dalğaları qədər güclü dostluqların qurulduğu bu xüsusi gecədə şeir yalnız misralarda deyil; insanların baxışında, söhbətində və könlündə də əks-səda tapdı. Samsunda qurulan bu könül körpüsünün uzun illər davam etməsi arzusu ilə, təşkilatda əməyi keçən hər kəsə təşəkkür edildi.