“Budapeştdə mümkün görüş baş tuta bilər. Prinsip etibarı ilə Rusiyanın Macarıstanla münasibətləri yaxşıdır və Donald Trumpla Viktor Orban yaxın şəxslər hesab olunur. Buna görə də görüşün keçirilməsi mümkündür, lakin əsas məsələ Avropanın reaksiyasıdır.”

Bunu politoloq Samir Hümbətov “xalqcebhesi.az”-a açıqlaması zamanı söyləyib.

O əlavə edib ki, görüş olsa da, ortada ümumi razılıq yoxdursa, qərb ölkələri, Rusiya, Ukrayna və ABŞ arasında müharibəni yekunlaşdırmaq üçün lazımi maraqların olması vacibdir: “Hələlik qeyd edilən məsələlər üzrə yekun nəticə hər kəs üçün məlum deyil. Görüş yalnız ümumi razılıq əsasında və məhsuldar nəticə əldə etmək məqsədilə keçirilməlidir.”
Samir Hümbətov Alyaskada baş tutan görüşü xatırladaraq bildirib ki, orada da heç bir nəticə əldə olunmamışdı və Budapeştdə də yekun razılıq olmadan münaqişəni həll etmək çətin olacaq.

Günel Elxan