İsveçrə hökuməti ABŞ və İran arasındakı münaqişənin nizamlanması üçün danışıqlara ev sahibliyi etməyə hazırdır.

Xalqcebhesi.az xəbər verir ki, bu barədə İsveçrə XİN-in rəsmi nümayəndəsi Melani Quqelmann bildirib.

"İsveçrə hər zaman öz xoşməramlı xidmətlərini təklif etməyə hazırdır", — deyə o, Cenevrənin danışıqlar məkanı ola biləcəyi barədə xəbərləri şərh edərkən deyib.

Quqelmann əlavə edib ki, İsveçrə "sülhə töhfə verməyə yönəlmiş hər hansı diplomatik təşəbbüsü dəstəkləməyə" hazırdır. "Xarici İşlər Nazirliyi bütün cəlb olunmuş tərəflərlə təmasları davam etdirir", — deyə o vurğulayıb.

Məryəm Quliyeva