Fransa hazırda Hörmüz boğazında həqiqətən minaların yerləşdirilməsinə dair hər hansı bir təsdiqə sahib deyil.

Xalqcebhesi.az xəbər verir ki, "France 24" telekanalının verdiyi məlumata görə, bu barədə Fransanın müdafiə naziri Katrin Votren regionda guya azı on minanın aşkar edilməsi ilə bağlı yayılan xəbərlər fonunda bəyanat verib.

"Hazırda bu məsələ ilə bağlı məndə tam əminlik yoxdur, lakin hər bir halda biz mümkün minalardan təmizləmə əməliyyatına hazırlaşırıq", — deyə Votren bildirib.

O, həmçinin qeyd edib ki, Fransa və Böyük Britaniyanın rəhbərliyi altında həyata keçirilə biləcək mümkün gələcək missiya çərçivəsində regiona minalardan təmizləmə gəmiləri göndərilir. Nazirin sözlərinə görə, həmin gəmilərdən biri artıq Fransanın Cibutidəki bazasındadır və ehtiyac yaranacağı təqdirdə prosesə cəlb oluna bilər.

Məryəm Quliyeva