“Azərbaycanın plastiklərin təkrar emalı və çirklənmə ilə mübarizə istiqamətində həyata keçirilən təşəbbüsləri ilə bağlı qürur duyuram”.

Bunu WUF13 çərçivəsində keçirilən “Plastik çirklənmə ilə mübarizə: yaşayış üçün əlverişli şəhərlərin və dairəvi iqtisadiyyatın təşviqi” sessiyasında Nizami Gəncəvi Beynəlxalq Mərkəzinin həmsədri İsmail Serageldin deyib.

O bildirib ki, həcmcə Fransanın üç qatına yaxın plastiklər okeanlarda müşahidə olunur: "Bu isə ciddi bir problemdir və hər il bu göstərici getdikcə artır".

Eyni zamanda o vurğulayıb ki, Azərbaycan plastiklərin təkrar emalı və bu istiqamətdə həyata keçirilən layihələrə ciddi töhfə verir.