Bazar ertəsi Çin, Tokionun "remilitarizasiya" cəhdlərini əsas gətirərək, ikiqat təyinatlı mallarla bağlı ixrac nəzarəti siyahısına Yaponiyanın 20 təşkilatını daxil edib və Çin şirkətlərinə əvvəlcədən icazə almadan onlara məhsul satmağı qadağan edib.

Xalqcebhesi.az xəbər verir ki, bu barədə "Reuters" agentliyi məlumat yayıb.

Çin Ticarət Nazirliyinin bəyanatında deyilir ki, Pekinin Tokiaya qarşı bir sıra ixrac məhdudiyyətləri çərçivəsində atdığı bu növbəti addım Yaponiyada "yeni nəsil militarizmin", eləcə də onun nüvə ambisiyalarının qarşısını almağa yönəlib.

Çin və Yaponiya arasında münasibətlər keçən ilin sonunda Yaponiya Baş naziri Sanae Takaitinin Tayvanla bağlı səs-küylü bəyanatlarından və Tokionun müdafiə xərclərini artırmaq qərarından sonra gərginləşib. Bu da Pekini yanvar ayından etibarən ikiqat təyinatlı mallara ixrac nəzarəti tətbiq etməyə vadar edib.

"Çinin siyahıyaalma ilə bağlı qanuni addımları yalnız az sayda Yaponiya təşkilatına şamil olunur və müvafiq tədbirlər yalnız ikiqat təyinatlı mallara aiddir ki, bu da Çin və Yaponiya arasında normal iqtisadi və ticarət mübadiləsinə təsir göstərmir", — deyə nazirlikdən bildirilib və qanunlara tabe olan, "xoş niyyətlə" fəaliyyət göstərən Yaponiya şirkətlərinin narahatlığına heç bir əsas olmadığına dair zəmanət verilib. Nazirliyin bildirişinə əsasən, həmin 20 təşkilatın sırasına Yaponiya Müdafiə Araşdırmaları İnstitutu (Institute for Defence Studies), həmçinin "Mitsubishi", "Komatsu" (6301.T) və "Fujitsu" şirkətlərinin törəmə müəssisələri daxildir.

İkiqat təyinatlı mallar — hərbi məqsədlər üçün istifadə oluna bilən və ya silahların hazırlanmasında tətbiq edilə bilən məhsullar, proqram təminatı və ya texnologiyalardır.

Məryəm Quliyeva