Səudiyyə Ərəbistanında yerləşdirilən Pakistan qoşunları Yəmən husilərinə qarşı döyüş əməliyyatlarında iştirak etmir.

Xalqcebhesi.az xəbər verir ki, bu barədə Pakistan Müdafiə Nazirliyinin mətbuat katibi general-leytenant Əhməd Şərif Çoudri bəyan edib.

"Pakistan qoşunları artıq Səudiyyə Ərəbistanında yerləşdirilib və müxtəlif müdafiə əməliyyatlarına cəlb olunub, lakin krallıq ordusunun husilərə qarşı apardığı döyüş əməliyyatlarında iştirak etmir", - deyə general "CNN" telekanalına müsahibəsində bildirib.

"Qoşunlarımızın Səudiyyə Ərəbistanında yerləşdirilməsinin təfərrüatları məxfidir və açıqlanmır. Pakistan hərbçilərinin bu ölkədəki hər bir fəaliyyəti müdafiə xarakteri daşıyacaq", - deyə Çoudri vurğulayıb.

Məryəm Quliyeva