Azərbaycan Sahibkarlar Konfederasiyasında (ASK) Kot-d’İvuarın Nouveau Regard ivoirien (NRI - Fildişi Sahilindən Yeni Baxış) təşkilatının prezidenti Mohamed Bakayoko ilə görüş keçirilib.

Xalqcebhesi.az xəbər verir ki, görüşdə Azərbaycan ilə Kot-d’İvuar arasında ticarət əlaqələrinin mövcud vəziyyəti, idxal-ixrac imkanları və yeni investisiya perspektivlərini müzakirə etdik.

Xüsusilə dünyanın aparıcı kakao istehsalçılarından və əhəmiyyətli keşyu ixracatçılarından biri olan Kot-d’İvuarın Azərbaycan biznesi üçün yaratdığı imkanlar barədə fikir mübadiləsi apardıq. Ölkədə investisiya yatırmaq istəyən biznes nümayəndələri üçün təqdim olunan dövlət dəstək və güzəştləri də diqqət mərkəzində oldu.

Eyni zamanda, NRI-nin sosial, iqtisadi, təhsil və mədəni sahələrdə həyata keçirdiyi fəaliyyətlər barədə məlumat aldıq.

Azərbaycan və Kot-d’İvuar biznes dairələri arasında əlaqələrin genişləndirilməsi, qarşılıqlı investisiyaların və yeni əməkdaşlıq imkanlarının təşviqi istiqamətində bu görüşün faydalı olduğuna inanıram.

Cavid