Beynəlxalq humanitar hüquqa əsasən, münaqişə zamanı mülki obyektlərin məqsədli şəkildə vurulması birmənalı olaraq qadağandır və hərbi cinayət hesab olunur. Rusiya-Ukrayna müharibəsi kontekstində Rusiyanın Ukraynanın mülki infrastrukturuna (yaşayış binaları, xəstəxanalar, məktəblər və enerji sistemi) endirdiyi zərbələr beynəlxalq qanunların fundamental prinsiplərini pozur.

Bunu xalqcebhesi.az-a siyasi şərhçi Füzuli Kərimov deyib.

Xatırladaq ki, Rusiya hərbçilərinin oktyabrın 8-də səhər saatlarında Ukraynanın Donetsk vilayətinin Kramatorsk şəhərinə endirdiyi zərbə nəticəsində 12 nəfər ölüb, 14 nəfər yaralanıb.

F.Kərimov qeyd edib ki, Rusiya Ukraynada mülki obyektləri bombalamağı dayandırmalıdır: "Rusiya rəsmiləri (o cümlədən prezident Vladimir Putin) mülki obyektlərin qəsdən hədəf alınmadığını bəyan edir və endirilən zərbələrin yalnız Ukraynanın hərbi potensialını zəiflətmək məqsədi daşıyan infrastruktur və hərbi təyinatlı dual-use (ikitərəfli istifadə) obyektlərinə qarşı olduğunu iddia edirlər. Amna fakt odur ki, Kreml mülki obyektləri də hədəfə alır".

Cavid