Birjalarda buğda 6 faizdən çox bahalaşıb İqtisadiyyat

Birjalarda buğda 6 faizdən çox bahalaşıb

Çikaqo əmtəə birjasında buğda qiymətləri 6 faizdən çox artıb.

Bu gün səhər saatlarında bir buşel (35 kiloqramdan çox) buğdanın dekabr fyuçersləri 6,13 faiz bahalaşaraq 8,8 dollara çatıb.

Qeyd olunur ki, bahalaşmaya Rusiyanın "taxıl sazişi"ndən çıxmasını elan etməsi səbəb olub.

Xatırladaq ki, Rusiya XİN həftəsonu Qara dənizdə təhlükəsizlik məsələlərini əsas gətirərək sazişin icrasını dayandırdığını elan etmişdi.

"Taxıl sazişi" bu ilin avqustunda Türkiyə, Rusiya, Ukrayna və BMT nümayəndələri arasında əldə olunmuşdu.