Ötən il Azərbaycan Respublikası Dövlət Neft Fondunun (ARDNF) karbohidrogen ehtiyatlarının işlənməsi ilə əlaqədar müqavilə sahəsindən istifadə üçün sərmayəçilərin akrhesabı ödənişlərindən gəlirləri üzrə büdcədə təstiq olunmuş göstərici 105,6% yerinə yetirilib.

“APA-Economics”in xəbərinə görə, bu, Hesablama Palatasının “Azərbaycan Respublikasının Dövlət Neft Fondunun vəsaitlərinin formalaşdırılmasının və əsas istiqamətlər üzrə istifadəsinin auditi” üzrə aparılmış kənar dövlət maliyyə nəzarəti tədbirinin nəticələrinə dair auditor hesabatında əksini tapıb.
“Hesabat ilində Fonda ümumilikdə 5,6 mln. manat və ya 3,3 mln. ABŞ dolları məbləğində akrhesabı ödənişlər köçürülüb ki, bu gəlirlər 2022-ci il üçün təsdiq edilən rəqəm ilə müqayisədə 105,6 faiz səviyyəsində icra edilib”, - hesabatda bildirilir.