“Heydər Əliyev xalqı üçün böyük işlər görüb, iqtisadi müstəqilliyinin əsasını qoyub”.

APA-nın xəbərinə görə, bunu bu gün Milli Məclisin Ümummilli Lider Heydər Əliyevin 100 illiyinə həsr olunmuş xüsusi iclasında Qırğızıstan Joqorku Keneşin (parlament) Sədri Nurlanbek Şakiyev bildirib.

Nurlanbek Şakiyev qeyd edib ki, Azərbaycanda sabitliyin təmin olunmasında da Heydər Əliyevin böyük rolu olub: “Heydər Əliyev dünya miqyaslı siyasi xadimdir, Türk dünyasında böyük iz qoyub. Qırğız yazıçısı Çingiz Aytmatov deyib ki, Heydər Əliyev tarixi, əfsanəvi şəxsiyyətdir. Heydər Əliyev müasir Azərbaycan tarixinin yaradıcılarından biridir”.