Brüssel, Moskva, Vaşinqton… Azərbaycan ilə Ermənistan arasında münasibətlərin normallaşdırılması üçün sülh danışıqlarının aparıldığı – üçtərəfli görüşlərin keçirildiyi, Cənubi Qafqazda təhlükəsizlik və əməkdaşlıq məsələlərinin müzakirələr olunduğu məkanlar.

Siyasi vəfatı baş tutan, reabilitasiya cəhdləri uğursuzluğa düçar olmuş, sabiq və prinsiplərinə qeyri-sadiq ATƏT-in Minsk qrupunun həmsədrlərindən biri – rəsmi Parisin isə adı və izi bu siyahıda yoxdur.

"Xalq Cəbhəsi" xəbər verir ki, bunu politoloq Nurlan Qələndərli yazıb.

"Ona görə ki, Fransanın sülh prosesinə dair qərəzli və qeyri-obyektiv mövqeyinin bəraəti və izahatı yoxdur.
Müstəmləkəçilik eyforiyasından çıxa bilməyən bu ölkə indi himayədarı olduğu Ermənistan kimi geostrateji təcridə yuvarlanır" - politoloq deyib.

Onun sözlərinə görə, Fransanın bir müddət öncə Brüssel sülh formatına əngəl yaratmaq cəhdlərinin iflasa uğraması onun Cənubi Qafqazdan faktiki çıxdaş olmasını şərtləndirdi:

"Makronun hazırki siyasəti və mövqeyi iflas reallığından qaynaqlanan məğlubiyyət sindromudur".

Cavid