Özbəkistan Azərbaycanın Qarabağ bölgəsində keçirilən qondarma “prezident seçkiləri”ni tanımır.

Trend xəbər verir ki, bu barədə Özbəkistan Xarici İşlər Nazirliyi bildirib.

“Daşkənd Azərbaycan Respublikasının suverenliyini və ərazi bütövlüyünü dəstəkləyir, həmçinin onun daxili işlərinə hər hansı müdaxiləni pisləyir”, - nazirliyin bəyanatında qeyd edilib.

Qeyd edək ki, sentyabrın 9-da Araik Arutunyanın istefasından sonra Samvel Şahramanyan bu gün Qarabağdakı erməni quldurlarının yeni başçısı olub.