"İsrail COP29-a ən çox uyğunlaşma məsələlərində töhfə verə bilər".

Bunu APA-ya açıqlamasında İsrail Ətraf Mühitin Mühafizəsi Nazirliyinin Beynəlxalq əlaqələr şöbəsinin müdiri Adam Şalimtzek deyib

“Bu tədbiri təşkil etdiyinə və ev sahibliyinə görə, Azərbaycan hökumətinə minnətdarlığımızı bildirirəm. Həm logistika aspektləri, həm əməliyyat, həm də bütün danışıqlar və bütün təşkilat çox təsir edicidir. İndi biz ilk növbədə, danışıqlarda və müzakirələrdə iştirak etmək üçün buradayıq.
Burada kənd təsərrüfatı, enerji və daha çox sahələrdə iqlim dəyişikliyinə innovativ həllər gətirən İsraildən 20 şirkətimiz var. Bizim nazir və nümayəndə heyətimiz dünyadakı həmkarları ilə görüşmək və qlobal iqlim məqsədlərinə çatmaq üçün necə birlikdə işləyə biləcəyimizi müzakirə etmək, uyğunlaşma və təsirlərin yumşaldılması məsələlərində bir-birimizə kömək etmək üçün buradayıq”- deyə Adam Şalimtzek bildirib.