Türk dünyasındakı əməkdaşlıq gündən-günə inkişaf edir.

APA xəbər verir ki, bunu Türk Dövlətləri Parlament Assambleyasının sabiq Baş katibi Mehmet Süreyya Er vəzifə səlahiyyətlərinin yeni Baş katib Ramil Həsənə ötürülməsi münasibətilə keçirilən tədbirdə deyib.
“Türk dünyasında əlaqələrin inkişafında ölkə liderlərimizin iradəsinin çox mühüm rolu var. İnanıram ki, 2021-ci ildə Türkiyədə keçirilən TDT zirvəsində qəbul edilən “Türk Dünyası 2040 Vizyonu” sənədində nəzərdə tutulan hədəflər istiqamətində önəmli məsafələr qət edəcəyik”, - Mehmet Süreyya Er bildirib.

O, Türk Dünyasında dil birliyinin möhkəmləndirilməsi üçün həyata keçirilən “Qanun” və “Qamus” adlı iki layihənin mahiyyəti barədə qısa məlumat verib və Türk dövlətləri arasında mədəni birliyinin daha da dərinləşəcəyinə ümidvar olduğunu ifadə edib.