Ukrayna prezidenti Volodimir Zelenski çərşənbə axşamı Ukraynaya hərbi dəstək və Avropada təhlükəsizlik məsələlərini müzakirə etmək üçün Danimarkaya səfər edəcək.

Xalqcebhesi.az xəbər verir ki, bu barədə Danimarka hökumətinin məlumatında bildirilib.

Görüşdə həmçinin Şimali Avropa ölkələrinin dövlət və hökumət başçıları iştirak edəcəklər.

Nazirlər Kabinetinin mətbuat relizində deyilir ki, gündəlikdə həmçinin Ukraynanın hava hücumundan müdafiəyə və ölkənin energetika sektorunun qorunmasına olan təcili ehtiyacı məsələsi dayanır.

Danimarkanın baş naziri Mette Frederiksen Zelenskini və Şimali Avropa ölkələrindən olan həmkarlarını qarşılamaqdan qürur duyduğunu qeyd edib.

Məryəm Quliyeva