“ABŞ və Türkiyə arasında çox ciddi problemlər var” Siyasət

“ABŞ və Türkiyə arasında çox ciddi problemlər var”

"Türkiyə prezidenti Rəcəb Tayyib Ərdoğanın may ayında və bu yaxınlarda baş nazir Binəli Yılıdırımın ABŞ səfəri iki ölkə arasında əlaqələrin normallaşmasına təsir etmədi. Çünki iki ölkə arasında çox ciddi problemlər yaşanır". Bu fikirləri politoloq Məhəmməd Əsədullazadə səsləndirib: "Bu problemləri, əsasən aşağıdakı kimi xarakterizə etmək olar. Birincisi, ABŞ-ın Suriyada terrorçu YPG-nı silahlandırması və şimali Suriyadai kürd muxtariyyəti qurmaq planı. İkincisi, FETÖ liderinin ekstradisiya məsləsi. Üçüncüsü, Türkiyənin Rusiya ilə yaxınlaşmaq siyasəti və ən sonda Rza Zərrabla bağlı qalmaqal". Politoloq deyib ki, Fətullah Gülən vasitəsilə Türkiyə ABŞ-ı hərbi çevrilişdə ittiham etmək istəyir. Ona görə onun ekstradisiyasına çalışır: "Yaşanan bu problemlər fonunda ABŞ Türkiyəni fakt qarşısında qoymaq və Gülən məsələsindən əl çəkdirmək üçün Rza Zərrab faktorundan Türkiyə əleyhinə istifadə edəcək.
Göründüyü kimi Rza Zərrab AKP hakimiyyətinə qarşı ittiham irəli sürmək üçün ABŞ-ın əlində "kozır"dı. ABŞ Rza Zərrab vasitəsi ilə Türkiyəni Gülən məsələsində arxa plana keçirməyə çalışacaq. Rza Zərrab vasitəsi ilə ABŞ Türkiyə əleyhinə çox ciddi məlumatları üzə çıxardacaq. Bu, birbaşa Ərdoğan hakimiyyətini hədəfə alacaq". Politoloq deyib ki, iki ölkə arasında dərinləşən problemlər Türkiyənin hərbi arsenalına ABŞ-ın sanksiya tətəb etməsinə gətirib çıxarması an məsələsidir: "Rusiya ilə Türkiyənin hərbi əməkdaşlığı "S-400" raketlərinin Ankaraya verilməsi, artıq Pentaqonda qəzəb oyadıb. Qeyd edim ki, ABŞ Türkiyəyə çox ciddi şəkildə təzyiqlər edəcək. Bu işartılar artıq görünür. Türkiyə prezidenti R.T. Ərdoğanın Trampla telefon danışığı və Ağ Ev rəhbərinin YPG-ya silah verməsini dayandırcağına söz verməsinə baxmayarq, səhəri Pentaqon kürd terrorçularına silah göndərməyi davam edəcəyini qeyd etdi. Bu, onu göstərir ki, ABŞ Suriyada kürd siyasətindən vaz keçməyəcək və çalışacaq ki, Türkiyədə AKP hakimiyyətinə qarşı yeni ssenarilər hazırlasın. Hazırda Türkiyə silahlı qüvvələrində 300-dən artıq hərbiçinin yenidən həbsi, məhz ölkədə ABŞ-ın mümükün təzyiqlərindən yayınmaqdır. ABŞ, artıq Türkiyə iqtidarı ilə işləmək fikrində deyil. Bu gün Türkiyəyə qarşı ABŞ tərəfinən təzyiqlər məhz Ərdoğan iqtidarının zəifləməsinə hesablanıb. Ərdoağanın Trampla görüşü bundan sonra da fayda verməyəcək. Onu da qeyd edim ki, Tramp Pentaqon və ABŞ-ın güc mərkəzlərindən kənar siyasət aparmaq iqtidarında deyil".