BMT Baş katibinin müavini Əminə Ceyn Məhəmməd gələn həftə Azərbaycana səfər edəcək.

Bunu APA-ya BMT-nin Azərbaycandakı müvəqqəti rezident əlaqələndiricisi İqor Qarafuliç bildirib.

Onun sözlərinə görə, səfər WUF13-lə bağlıdır.

“Biz artıq bütün qonaqları qəbul etməyə hazırıq. Gələn həftə üçün WUF üzrə səlahiyyətli rəsmilərimizi, BMT Baş katibinin müavinini və BMT Habitat-ın icraçı direktorunu qəbul edəcəyik”, - Qarafuliç vurğulayıb.