“Paşinyan və onun xarici siyasət komandası Qarabağ probleminin həllinin mərhələli və paket yanaşmalarının fərqlərini başa düşmür”.
Bunu Ermənistan Respublikaçılar Partiyasının sədr müavini Armen Aşotyan öz “Facebook” səhifəsində yazıb.
O qeyd edib ki, adamın öz qəzeti və bu qəzetdə mətnlər yerləşdirmək imkanı olanda yaxşıdır.
“Həmin bu adam ölkənin Baş naziri olaraq işləmək və ya həyati əhəmiyyətli məsələr haqqında xalq qarşısında dərhal izahat vermək əvəzinə yenidən bizimlə anonim məqalələrlə danışanda pisdir. Təəssüf ki, yaxın gələcəkdə Qərbdən də “a la Lavrov” bəyanatları eşidəcəyimizə şübhəm yoxdur. Bəs həmin vaxt nə edəcəksən, Nikol?
Biz səlahiyyətlilərə xain olduqlarını söyləmirik, cahil, təkəbbürlü olduqlarını, mərhələli və paket yanaşmalarının fərqini başa düşmədiklərini deyirik”, - deyə Aşotyan yazıb.