Azərbaycanın Gürcüstandakı səfiri Faiq Quliyev Gürcüstanın Baş naziri Georgi Qaxariyanın Tbilisinin Azərbaycanla Ermənistan arasında vasitəçi kimi iştirak etməyə hazır olduğu barədə təklifinə cavab verib.

Səfir bildirib ki, Azərbaycan yalnız Ermənistan qoşunlarını işğal olunmuş ərazilərdən könüllü şəkildə çıxarmağa razı olacağı təqdirdə danışıqlarda iştirak etməyə hazırdır:

“Amma biz məqsədi işğalı davam etdirmək olan danışıqlara razı olmayacağıq. Bu, Azərbaycan xalqının iradəsidir və dövlətimizin mövqeyidir”.

Səfir əlavə edib ki, Azərbaycan ordusu beynəlxalq səviyyədə tanınan torpaqları uğrunda mübarizə aparır.