Azərbaycan xalqı Prezident İlham Əliyevin sərəncamı ilə təsis edilən Zəfər Gününü əbədiyyətə qədər qeyd edəcək.

Bunu Trend-ə Milli Məclisin deputatı İsa Həbibbəyli deyib.

Onun sözlərinə görə, Zəfər Gününün qeyd edilməsi Azərbaycan tarixinin çox parlaq hadisəsidir:

"Azərbaycanda indiyədək qeyd edilən Qələbə bayramı birbaşa Azərbaycan xalqının Qələbə bayramı deyildi. Amma artıq Azərbaycan xalqı Qələbə gününü əbədiyyətə qədər qeyd edəcək. Prezidentin imzaladığı sərəncamla Azərbaycanda Vətən müharibəsi abidə kompleksi və Zəfər muzeyinin yaradılması da yeni nəsillərin qəhrəmanlıq, vətənpərvərlik ruhunda tərbiyə olunması üçün dövlət səviyyəsində çox düzgün düşünülmüş mükəmməl addımlardır. Müharibədə qalib olan xalq gələcək nəsillərini də qələbə əzmində, vətənpərvərlik ruhunda böyütməlidir”.