Məhəmməd Əsədullazadə: “Səfər eyni zamanda Minsk qrupunun artıq Azərbaycan üçün əhəmiyyət kəsb etmədiyini göstərəcək”

“Türkiyə prezidenti Rəcəb Tayyib Ərdoğanın Qarabağ müharibəsindən sonra Şuşaya səfəri və burada imzalanacaq sənədlər siyasi strateji baxımdan xüsusi əhəmiyyət kəsb edir”. Bunu “Xalq Cəbhəsi”nə açıqlamasında politoloq Məhəmməd Əsədullazadə deyib. O, əlavə edib ki, həmçinin bu, Qarabağ məsələsində Ankaranın Bakının yanında olacağının mesajıdır: “Səfər eyni zamanda Minsk qrupunun artıq Azərbaycan üçün əhəmiyyət kəsb etmədiyini göstərəcək. Ümumiyyətlə bunu Şuşada ermeni separtizminə zərbə kimi qiymətləndirməliyik. Qarabağın mərkəzində verilən mesajlar Moskvada və İrəvanda tektonik effekt verəcək. Şuşa səfəri bir daha Türkiyə və Azərbaycan müttəfiqliyinin bariz nümunəsidir”.

Əli Zülfüqaroğlu