Parlamentin keçirilən iclası insidentlə yadda qalıb. “Hayastan” blokundan olan deputat Qeqam Manukyan mikrofonu söndürərək tribunadan endirilib.
"Xalq Cəbhəsi" Ermənistan mətbuatına istinadən xəbər verir ki, hadisə Manukyanın “Artsaxı unudan vətən xainidir” deməsindən sonra başlayıb. Bu sözləri bir neçə dəfə təkrar edib.
Sessiyaya sədrlik edən parlament sədrinin müavini Ruben Rubinyan həmkarını qaydaya riayət çağırıb.
"Cənab Manukyan, etika qaydaları var. Onları pozmayın. Siz "satqın" dediniz. Mənə deyin, kimi nəzərdə tuturdunuz?" - deyib.
Manukyan deputat Vigen Xaçatryandan sitat gətirib.

Rubinyan təhlükəsizlik əməkdaşlarından onu çıxarmağı xahiş edib.
"Zaldan yox, tribunadan çıxarın", - Rubinyan qeyd edib.
Salonda ehtiraslar alovlanıb, iqtidarla müxalifətdən olan deputatlar arasında çəkişmə başlayıb. Daha sonra Ruben Rubinyan 20 dəqiqəlik fasilə elan edib.

Cavid