"Formula 1" üzrə Azərbaycan Qran-Prisinin keçirilməsi ilə əlaqədar 5 ümumi təhsil müəssisələrində tədris distant (məsafədən) formada təşkil ediləcək.

Bu barədə APA-ya Bakı Şəhəri üzrə Təhsil İdarəsindən (BŞTİ) məlumat verilib.

Qeyd edilib ki, Tofiq İsmayılov adına 6 nömrəli lisey, Kərim Kərimov adına 8 nömrəli tam orta ümumtəhsil məktəbi, Tahir Həsənov adına 23 nömrəli tam orta ümumtəhsil məktəbi, 132-134 nömrəli lisey və İlyas Əfəndiyev adına Elitar gimnaziyada 2026-cı il 22-26 sentyabr tarixlərində tədris distant təşkil ediləcək.