Radioterapiya və onkologiya mütəxəssisi Urmu gölünün qurumasının əhalinin sağlamlığına nəticələri barədə əhaliyə elmi və dəqiq məlumat verilməsi vacibliyini deyib.

Gunaz.tv

Həkim Vəli Rəhimzadə gölün qurumasının şəxslərin sağlamlıqlarına nəticələri barədə laqeyd yanaşıldığını qeyd edib. “Ötən 15 ildən hal hazıradək gölün quruması nəticələri barədə xərçəngşünasların mütəxəssis fikirləri öyrənilməyib.

Bu istiqamətdə göldən nümunələr götürülməli və beynəlxalq etibarlı laboratoriyaların əməkdaşlığı ilə onların insan sağlamlığına dağıdıcı təsirlərini öyrənmək lazımdır.”

Onkoloq sözlərinin davamında ölkə rəsmilərinə xitabən deyib: “Gölün qurumasının insana təhlükələri çevrəyə təsirlərindən daha böyükdür. Ona görə də xalqı bu barədə məlumatlandırmaq üçün gərəkən işlər görülməlidir.”